Për zgjidhjen e problemit të korrupsionit dhe ryshfetit, ligjet nuk janë më të mjaftueshme për një kohë të gjatë. Organizatat duhet të projektojnë biznesin e tyre për të parandaluar korrupsionin dhe ryshfetin më shumë se kurrë. Sistemet e menaxhimit do të ndihmojnë për të luftuar në mënyrë proaktive korrupsionin dhe ryshfetin dhe për të trajtuar rregullat dhe rregulloret, të cilat sa vijnë e shtohen, brenda kompanisë.

ISO 37001 si një standard ndërkombëtar për sistemet e menaxhimit kundër ryshfetit bashkon kërkesat e vendosura ndaj organizatave me ligje dhe praktika të provuara në mënyrë që të reduktojë rreziqet dhe kostot dhe të krijojë transparencë dhe qartësi.

Si alternativë e projektimit të një sistemi autonom, rekomandohet integrimi i sistemit të menaxhimit për luftimin e korrupsionit dhe ryshfetit në një sistem të përgjithshëm të menaxhimit të përputhshmërisë. Në këtë integrim, ISO 19600 mund të përdoret si udhëzues. Përveç kësaj, sistemi i menaxhimit kundër ryshfetit (i referuar shkurtimisht si ABMS) mund të mirëmbahet si pjesë e sistemeve të tjera të menaxhimit (p.sh. cilësia, mjedisi ose siguria e informacionit). E rëndësishme është që të shfrytëzohen sinergjitë e shumta që dalin nga sistemet që tashmë ekzistojnë. Duke qenë se ISO 37001 bazohet në strukturën e nivelit të lartë, ai ka të njëjtën strukturë si, p.sh., ISO 9001, ISO 14001 ose ISO 45001. Falë kësaj strukture, sistemet e menaxhimit sipas ISO 37001 mund të integrohen shumë mirë në sistemet ekzistuese. Kjo është arsyeja pse vlera mund të krijohet shpejt.

Objektivat e Sistemit të Menaxhimit Kundër Rryshfet

• Reduktimi i rrezikut të veprimeve të paligjshme;
• Minimizimi i korrupsionit dhe ryshfetit;
• Rritja e transparencës brenda kompanisë;
• Mundësimi i sinjalizimit anonim në rast të dyshimit për korrupsion ose ryshfet;
• Sigurimi i reputacionit të kompanisë;
• Përgjegjshmëri në lidhje me rregullat dhe rregulloret.