Si një standard ndërkombëtar për Sistemin e Menaxhimit të Vazhdimësisë së Biznesit, ISO 22301 është krijuar për të mbrojtur, reduktuar gjasat e ndodhjes, përgatitjen, reagimin dhe rikuperimin nga incidentet të cilat shkaktojnë ndërprerje të biznesit. Me një Sistem të Menaxhimit të Vazhdimësisë së Biznesit, organizata juaj është e përgatitur për të zbuluar dhe parandaluar kërcënimet.

Falë qasjes sistematike, Sistemi i Menaxhimit të Vazhdimësisë së Biznesit (SMVB) ndihmon në parandalimin e incidenteve të cilat shkaktojnë ndërprerje të biznesit, pra ndërprerjen e kapacitetit të funksionimit të një organizate. Nëse ndodh ky skenar i rastit më të keq, Sistemi i Menaxhimit të Vazhdimësisë së Biznesit ndihmon në reduktimin e ndikimeve të incidentit dhe i mundëson organizatës të rifitojë shpejt aftësinë për të vazhduar ofrimin e produkteve ose shërbimeve në nivelet e paracaktuara. Organizatat me një Sistem të certifikuar të Menaxhimit të Vazhdimësisë së Biznesit, do të jenë në gjendje të rifillojnë proceset e ndërprera ose të dëmtuara shumë më shpejt sesa kompanitë pa SMVB.

ISO 22301 ju mundëson të përgjigjeni në mënyrë efektive dhe të menjëhershme bazuar në procedurat që zbatohen para, gjatë dhe pas ngjarjes. Zbatimi i një plani të vazhdimësisë së biznesit brenda organizatës suaj do të thotë që ju jeni të përgatitur për të papriturat. Plani i Vazhdimësisë së Biznesit ju siguron që organizata juaj do të vazhdojë të funksionojë pa ndonjë ndikim dhe humbje të madhe.