ISO 50001 është krijuar për të mbështetur organizatat në të gjithë sektorët. Ky standard ISO ofron një mënyrë praktike për të përmirësuar përdorimin e energjisë, nëpërmjet zhvillimit të një Sistemi të Menaxhimit të Energjisë (EnMS). Qëllimi i këtij standardi ndërkombëtar është t’u mundësojë organizatave të krijojnë sisteme dhe procese që janë të nevojshme për të përmirësuar performancën e energjisë, duke përfshirë eficiencën e energjisë, përdorimin e energjisë dhe konsumin e energjisë.

Çfarë është një sistem i menaxhimit të energjisë?

Një sistem i menaxhimit të energjisë i ndihmon organizatat të menaxhojnë më mirë përdorimin e energjisë, duke përmirësuar kështu produktivitetin. Ai përfshin zhvillimin dhe zbatimin e një politike energjetike, vendosjen e objektivave të arritshme për përdorimin e energjisë dhe hartimin e planeve të veprimit për t’i arritur ato dhe për të matur progresin. Kjo mund të përfshijë zbatimin e teknologjive të reja, reduktimin e shpërdorimit të energjisë ose përmirësimin e proceseve aktuale për të ulur kostot e energjisë.

ISO 50001 u jep organizatave një model të njohur për zhvillimin e një sistemi efektiv të menaxhimit të energjisë. Standardi bazohet në elementet e përbashkëta të standardeve të sistemit të menaxhimit ISO, për të garantuar një shkallë të lartë përputhshmërie, veçanërisht me standardet ISO 9001 dhe ISO 14001. Ai bazohet në procesin e përmirësimit të vazhdueshëm, i cili njihet si Cikli PDCA (Plan-Do-Check-Act) dhe integron menaxhimin e energjisë në veprimtarinë e përditshme të organizatës.

ISO 50001:2018 synon të reduktojë konsumin e energjisë, të rrisë eficiencen e energjisë dhe të ulë emetimet e gazeve serrë. Kjo rezulton në ulje të menjëhershme të kostos së energjisë dhe për rrjedhojë një rritje të fitimeve.